දින 100..
එක දවසක් හිත රහසින් මුමුණ මුමුණ මෙහෙම කිව්වා
දැක්කද මේ ළගකදි අර ලන්කාවේ ඡන්දෙ තිබ්බා
ඒකාධිපතිලු ඒ හිටියේ ඔහුව ගෙදර යැව්වා කිව්වා
යහ පාලනෙ රජ කොරන්න ගොවියෙක් රට බාර ගත්තා
ඉතින් අනේ මට මොකටද ඔයා ඉතින් ඕක කියලා
මන් ඇහුවා හිතෙන්ම වෙන වැඩ නැතිවද ඔහෙට කියලා
ටිකක් තරහා ගිහින් වගේ හිතත් ඉතින් මෙහෙම කිව්වා
මටත් ඕන යහ පාලනෙ මගේ රජා ගෙදර යවලා
හිත කිව් දේ ඇසූ සැණින් එක පැනයක් මට නැගුනා
තාම රැයක් ගෙවුනේ නැද්ද ආප්පෙකට වගකියලා
ඔහෙගෙ රජා පරදවන්න ලේසි වේවි යැයි කියලා
හිතුවේ ඇයි මොනාද ඔහෙ කරන්නෙ රජකම ලැබිලා
බයවෙන්නෙපා දින සීයක පොරොන්දු ටික මන් හැදුවා
විධායකය ඉවත් කොරලා මොළයට දෙන්නට සිතුවා
හැගීම් මතක හීන වලට ඉන්න ඇමතිලාව කපලා
එකම ධූරයක් හදනවා යාතර්තෙ ලෙස නම් කරලා
මනෝ ගහලා වැය කරවපු ජාතික තත්පර හොයලා
අල්ලස් කොමිසමට දෙනවා දිනත් එක්ක ගාන හදලා
වැල්ලේ හදපු රජ මාලිග කීයක් තියෙනවද කියලා
හොයන්න මන් බාර දෙනවා ලගදි ආපු නැවට නැගලා
හපොයි හපොයි ඔය ඇති දැන් තව පැනයක් මට නැගුනා
දින සීයක් ඔය විදිහට ගියා කියලා මන් හිතුවා
ඊට පස්සෙ මොකද වෙන්නේ තව පොරොන්දු නැතිද හැදුවා
අනේ අපොයි කියවෙයිදෝ මගේ හිසේ අත ගැසුනා
ඉන්න ඉන්න ඉවසන්නකො ඒකට උත්තර හෙව්වා
මැති සබයම විසුරුවලා පෙරලා ගන්න ආයෙ හිතුවා
විධායකය මොළේ හින්දා පාලනේ දැන් මට නැතුවා
යහ පාලනේ කොයිබ ගියත් මගේ නිදහසෙ මන් හිටියා
හ්ම්...............................
ReplyDeleteහ්ම්..... :D
Deleteවිධායකේ අහෝසි කරනවා කිව්වා?
ReplyDeleteමට මතක නෑනෙ...
අතීතයෙ දුර ඈතක එහෙම එකක් කිව්වා නේ :D
Delete